718 GT4
718 Cayman GT4-ը կատարյալ սպորտային ավտոմեքենա է նրանց համար, ովքեր սիրում են գերազանցել սահմանները: Նրանց համար, ովքեր ավելի շուտ կհարցնեն՝ «իսկ ինչո՞ւ ոչ», քան՝ «ինչո՞ւ»: Նրանց համար, ովքեր լրջորեն են վերաբերվում ժամանցին և նախընտրում են նստել ոչ թե կաշվե բազկաթոռին, այլ սպորտային նստատեղին:
Կատարողականություն
Կենտրոնում տեղակայված է մխոցների օպոզիտ հորիզոնական դասավորությամբ մթնոլորտային շարժիչ։ Աշխատանքային ծավալը՝ 4լ։ Վեց մխոց: 309 կՎտ (420 ձ․ու․): Անմիտ է հնչում: Բայց՝ այդպես է։
Ամբողջովին վերանախագծված՝ մխոցների օպոզիտ հորիզոնական դասավորությամբ վեց մխոցանի շարժիչն ունի վառելիքի ուղղիղ ներածում (DFI), չոր կարտերով յուղման ներկառուցված համակարգ և մխոցների ադապտիվ կառավարում: Բացի այդ, կարգավորվող ներածման կոլեկտորը ապահովում է շարժիչի օպտիմալ օդափոխությունը փոխարկվող ռեզոնանսային փականներով: Սա տեխնիկապես է ասված և փոքր-ինչ չոր է հնչում, բայց իրականում ամեն ինչ ճիշտ հակառակն է։
Ինտերիեր
Գեղեցիկ արտաքին տեսք: Լավ զգացողություններ ավտոմեքենայի ներսում: Սպորտային շրջահոսելի մաքրություն, Porsche-ին բնորոշ բարձր էրգոնոմիկա: Ամեն ինչ կատարյալ է։ Ամեն ինչ իրականում լիովին ռացիոնալ է: Մինչ որ գործի կդրվի շարժիչը և․․․ ձեռքերի մազերը բիզ-բիզ կկանգնեն։.
Դիզայն և աերոդինամիկա
Չկա օդի թեթև սյուք: Չկա թեթև քամի։ Նշանները ցույց են տալիս, որ փոթորիկ է հասունանում։ Բավական է նայել 718 Cayman GT4-ին՝ համոզվելու, որ օդի դիմադրությունը խնդիր չէ:
Առանձնահատկություններ
4.0 լիտրանոց, վեց մխոցանի, պտույտների բարձր միջակայք ապահովող մթնոլորտային շարժիչ:
4.0 լիտր ծավալ ունեցող շարժիչը արտադրում է 309 կՎտ (420 ձ․ու․), ինչը 35 ձիաուժով ավելի է նախորդ մոդելից: Պտույտների առավելագույն քանակությունը՝ 8000 պտ/ր։ Մեխանիկական փոխանցումատուփի հետ զուգորդմամբ՝ 420 Նմ առավելագույն ոլորող մոմենտը կազմում է 5000-ից 6800 պտ/ր: Porsche Doppelkupplung-ով (PDK) 430 Նմ առավելագույն ոլորող մոմենտը հասանելի է 5500 պտ/ր-ի դեպքում: Սա նշանակում է, որ PDK-ով և Launch Control ակտիվ համակարգով 718 Cayman GT4-ը 0-ից մինչև 100 կմ/ժ արագությունը զարգացնում է 3,9 վայրկյանում: Առավելագույն արագությունը՝ ավելի քան 300 կմ/ժ։
Club Sport փաթեթ
Պրոֆեսիոնալ ավտոսպորտից վերցված բաղադրիչների շնորհիվ Club Sport փաթեթն ապահովում է լրացուցիչ պաշտպանություն մրցուղու վրա: Մի քիչ խելամտությունը չի խանգարի: Club Sport փաթեթը ներառում է սև ներկված՝ անվտանգության պողպատե կարկաս, որը առջևի նստատեղերի հետևում ամրացված է թափքին, և վարորդի կողմից վեց կետանոց մրցարշավային անվտանգության ամրագոտիներ, ներառյալ՝ երկու ուսային ամրագոտիներ՝ HANS® անվտանգության սարքի (գլխի և պարանոցի հենարան) հետ կամ առանց դրա օգտագործելու համար: Լրակազմում ներառված է նաև կրակմարիչ՝ նեցուկով։
Sport Chrono փաթեթ
Ի լրումն սարքավորումների վահանակի անալոգային և թվային վայրկյանաչափի՝ ընտրովի Chrono փաթեթը կարող է հպարտանալ ավելի մեծ ֆունկցիոնալությամբ. PCM-ը թարմացվել է և այժմ ներառում է արդյունավետության հատուկ էկրան, որը թույլ է տալիս ցուցադրել, պահպանել և գնահատել գրանցված շրջանի ժամանակը: Վարորդը կարող է զննել շրջանի ընթացիկ ժամանակն ու հեռավորությունը, ավարտված շրջանների քանակը և այլ ժամանակ՝ տվյալ պահի դրությամբ: Կարելի է զննել նաև ընթացիկ ամենաարագ շրջանը և դիապազոնը: Անցած ցանկացած հեռավորություն կարող է գրանցվել, իսկ ստուգողական ժամանակը՝ որոշվել:
Porsche-ի կերամիկական կոմպոզիտային արգելակներ (PCCB)
Օպցիոնալ PCCB-ները՝ մեծ տրամագծով արգելակային սկավառակներով, 410 մմ առջևում և 390 մմ հետևի մասում: Դեղին գույնի վեց մխոցանի ալյումինե միաբլոկ ֆիքսված արգելակային հենակների օգտագործումն առջևի սռնիի վրա և չորս մխոցանի ալյումինե միաբլոկ ֆիքսված արգելակման հենակների օգտագործումը հետևում ապահովում է չափազանց բարձր և մշտական արգելակման ճնշում: PCCB-ները ապահովում են արգելակման ավելի կարճ հեռավորություն նույնիսկ ամենադժվար ճանապարհային և մրցարշավային պայմաններում: Դրանք նաև մոտավորապես 50%-ով ավելի թեթև են նույնանման չուգունե սկավառակներից:
Porsche-ն սոցիալական հարթակներում