სპორტსმენებმა კარგად იციან, რომ საუკეთესო შედეგის მისაღწევად, კარგი მომზადება და გამართლება საკმარისი არ არის. აუცილებელია დაუღალავი შრომა, მუდმივი ეჭვი, განსაკუთრებით საკუთარი თავის მიმართ, შეცდომებზე სწავლა. მთავარი ამოცანა ხომ მუდმივად გამარჯვებაა. ამ მიდგომით, პორშე განაგრძობს შეუძლებლის შესაძლებლად გარდაქმნას. გამოცადე ახალი, 911 GT3 RS გაუმჯობესებული სარბოლო სამუშაო პარამეტრებით.
გაზრდილი მიმჭერი ძალითა და გაუმჯობესებული აეროდინამიკით, ახალი 911 GT3 RS შეუდარებელი სამუშაო პარამეტრებით გამოირჩევა. მოდელის თითეული მონაცემის გათვალისწინებით, Porsche Active Aerodynamics (PAA) და DRS სისტემების მეშვეობით, წამების განმავლობაში ხდება გრძივი/გვერდითი აჩქარების, აქსელერატორის/მუხრუჭის პედლის პოზიციის და ხახუნის მაჩვენებლის, უკანა ანტიფრთის პოზიციის და წინა დიფუზორის მორგება არსებულ მდგომარეობაზე. ეს საუკეთესო წინაპირობაა სამომავლო ვოიაჟისთვის.
მაქსიმალურად მსუბუქი კონსტრუქცია. ახალი 911 GT3 RS სწორედ ასეთია. მიუხედავად წინამორბედებთან შედარებით მნიშვნელოვნად გაუმჯობესებული მახასიათებლებისა, როგორიცაა ეფექტური აეროდინამიკა, უფრო განიერი საბურავები და კორპუსი და მართვის სხვადასხვა რეჟიმების დროს შასის საჭიროებისამებრ მორგების უნარი, ავტომობილში გამოყენებული ნახშირბადის ბოჭკოთი არმირებული პლასტმასის ნაწილების წყალობით, მისი წონა დატვირთვის გარეშე მხოლოდ 1450 კილოგრამს შეადგენს.
მწვანე შუქის ანთებისთანავე, ახალი 911 GT3 RS სარბოლო ბილიკზე 470 ნმ-მდე ავითარებს. 386 კილოვატის (525 ცხენის ძალა) სიმძლავრის წყალობით, 3.2 წამში 100 კმ/სთ-ის განვითარებაა შესაძლებელი. ამოსუნთქვის დრო არ გექნებათ მანამ, სანამ სიჩქარე მაქსიმალურ ნიშნულს, 296 კმ/სთ-ს არ მიაღწევს. მსუბუქი უჟანგავი ფოლადისგან დამზადებული, ნამუშევარი აირების გამოშვების სპორტული სისტემა მაქსიმალური ნიშნულის, წუთში 9000 ბრუნის მიღწევამდე საუკეთესო ჟღერადობას განაპირობებს.
სწორი დამოკიდებულება განაპირობებს იმას, გაიმარჯვებთ თუ დამარცხდებით. მძღოლისა და ავტომობილის კიდევ უფრო მეტად დასაკავშირებლად, ოთხი ინტეგრირებული გადამრთველის წყალობით, ავტორბოლოსთვის განკუთვნილი საჭე წარმოდგენილია მრავალფეროვანი ფუნქციებით,ესენია: DRIVE MODE, პორშეს აქტიური საკიდარის სისტემა (PASM), Porsche Torque Vectoring Plus (PTV Plus) და წევის კონტროლის სისტემა (TC).