718 GT4
718 Cayman GT4 е совршениот спортски автомобил за оние кои сакаат да ги поместуваат границите. За оние кои попрво би прашале „зошто да не“ отколку „зошто“? За оние кои сериозно ја сфаќаат забавата и кои попрво би седеле во спортски автомобил отколку во кожна фотелја.
718 GT4
Перформанси
Хоризонтално поставен атмосферски мотор, централно позициониран. Зафатнина од 4,0 литри. Шест цилиндри. 309kW (420КС). Звучи лудо. И е.
Повторно целосно развиениот хоризонтално поставен мотор со шест цилиндри има директно вбризгување на гориво (DFI), интегрирано подмачкување на моторот и прилагодлива контрола на цилиндри. Дополнително, варијабилна цевка за вшмукување со резонантни вентили што може да се вклучуваат му обезбедува на моторот оптимална вентилација. Од технички аспект звучи малку досадно, но во суштина е целосно спротивното.
Внатрешност
Изгледа добро. Се чувствува добро. Едноставна спортска функционалност, вообичаена висока ергономија за Porsche. Сè е совршено. Всушност, сè е прилично рационално. Сè додека не стартува моторот и не ви се наежи кожата.
Дизајн и аеродинамика
Нема слаб провев. Нема тивко ветре. Знаците покажуваат дека се подготвува бура. Еден поглед на 718 Cayman GT4 е доволно за да видите сè: воздушниот отпор веќе не е проблем.
Истакнуваме
Врвни карактеристики
4,0 литарски атмосферски мотор со шест цилиндри и голема моќност.
Почнувајќи со зафатнината од 4,0 литри, моторот создава моќни 309kW (420КС) – 35КС повеќе од претходниот модел. Максимален број вртежи на моторот? 8000rpm. Во комбинација со рачен пренос, максималниот вртежен момент од 420Nm е од 5000 до 6800rpm. Со Porsche Doppelkupplung (PDK), максималниот вртежен момент од 430Nm е достапен при 5500rpm. Што значи дека 718 Cayman GT4 со PDK и активен Launch Control забрзува од 0 до 100km/h за 3,9 секунди. Максимална брзина: над 300km/h.
Club Sport пакет
Со неговите компоненти преземени од професионалниот мотоспорт, Club Sport пакетот нуди дополнителна заштита на тркачката патека. Нема да биде на одмет и по некој мудар збор. Club Sport пакетот се состои од челичен „roll cage“ за заштита од превртување во црна боја, прицврстен за каросеријата зад предните седишта, како и тркачки безбедносни појаси со шест точки за страната на возачот, заедно со два појаса за рамената за употреба со или без безбедносниот уред HANS® (поддршка за главата и вратот). Пакетот вклучува и противпожарен апарат со држач.
Chrono пакет со подготовка за тајмер на кругови.
Покрај аналогната и дигиталната стоперка на контролната табла, опционалниот Chrono пакет нуди уште поголема функционалност: PCM е надграден за да има дисплеј за специјални перформанси, што ви овозможува да се прикажуваат, меморираат и проценуваат зачуваните времиња на извозени кругови. На тој начин, возачот може да ги гледа тековното време на кругот и растојанието, бројот на кругови што се завршени и другите постигнати времиња. Може да се гледа најбрзиот круг, а сите извозени кругови може да се зачуваат и да се дефинираат времиња за репер.
Porsche керамички композитни сопирачки (PCCB).
Опционалниот PCCB со дијаметар на дисковите од 410mm напред и 390mm назад нуди уште подобра ефикасност при сопирањето. Употребата на жолти шест-клипни алуминиумски моноблок сопирачки на предната оска и четири-клипни алуминиумски моноблок сопирачки на задната оска обезбедуваат екстремно висок и константен притисок на сопирање. PCCB овозможува пократко растојание на сопирање дури и во најлошите услови на асфалтот. Дисковите на сопирачките се околу 50% полесни отколку дисковите од леано железо со сличен дизајн и големина.
Профили на социјалните мрежи