Macan

Пет врати, пет седишта, сепак неспоредлив, непогрешлив и незапирлив. Во неговата најнова генерација, Macan е и ќе остане спортскиот автомобил помеѓу компактните SUV возила. Познатата Porsche ДНК веднаш се препознава по накосената кровна линија: т.н. „летечка линија“, која му ги подарува на Macan неговите контури карактеристични за спортски автомобил.

Модели

Macan

Mотор со турбо полнење од 2,0 литри со четири цилиндри. Ново создадениот мотор добива максимална моќност од мало пакување. Се карактеризира со неговиот висок вртежен момент и ефикасност. 195kW (265КС) 0–100km/h за 6,2 секунди Максимална брзина: 232km/h Максимален вртежен момент: 400Nm

2,9 литарски V6 мотор со двоен турбо полнач. Двојниот V6 мотор со турбо полнење од 2,9 литри е нов за Macan S моделите и е дизајниран за лесна испорака на моќност и инстантна реакција, со автентичен звук од шест цилиндри. 280kW (380КС) 0–100km/h за 4,7 секунди Максимална брзина: 259km/h Максимален вртежен момент: 520Nm

GTS

2,9 литарски V6 мотор со двојно турбо полнење. Со зголемена излезна моќност од 440 КС од неговата зафатнина од 2,9 литри, V6 мотор со две турбини во Macan GTS овозможува незапирлив перформанс и емоционална акустика. 324kW (440КС) 0–100km/h за 4,3 секунди со Sport Chrono пакет Максимална брзина: 272km/h Максимален вртежен момент: 550Nm

Галерија

Истакнуваме

Перформанси

Различни мотори, ист принцип: мотор со турбо полнење од 2,0 литри со четири цилиндри и V6 моторот со двојно турбо полнење од 2,9 литри ефикасно произведуваат извонредна моќност и вртежен момент. Porsche Doppelkupplung (PDK) со 7 брзини овозможува инстантен и оптимален избор на степен на пренос во автоматски режим, со прецизно рачно менување на брзини кога сакате да ја преземете контролата.

Внатрешност

Комфорна зона надвор од вашата комфорна зона. Внатрешноста на Macan е синтеза на компактен SUV и спортски автомобил. Повисоката позиција на седење во предните спортски седишта ве обвиткува во кокпитот на спортскиот автомобил, а во исто време ви нуди подобра видливост и поголема контрола: благодарение на совршената ергономија.

Комфор

До багажниот простор лесно се пристапува преку автоматската задна врата и истиот може да се прошири од 488 на 1503 литри благодарение на задната клупа со седишта кои може разделно да се спуштат. Совршен простор за сите активности во Вашето слободно време.

Опционалните кровни шини хармонично се вклопуваат во динамичниот дизајн на возилото и се предуслов за опционалниот систем за транспорт на товар на кровот. Модулите се достапни од асортиманот на Porsche Tequipment додатоците.

Врвни карактеристики

Porsche Advanced Cockpit

Комбинација од висока технологија и класично чувство на спортски автомобил: Porsche Advanced Cockpit. Концептот за контрола на Porsche Advanced Cockpit е прогресивен: средишната конзола му овозможува на возачот да ги има сите контроли на дофат. Неговата директна контрола на допир (Direct Touch Control) има интерфејс со изглед на стакло со копчиња чувствителни на допир за директен пристап до најважните функции. 10,9-инчен екран на допир со висока резолуција е вграден во контролната табла.

Инфозабава

Porsche Communication Management (PCM) со 10,9-инчен дисплеј на допир со висока резолуција е контролниот центар на вашето возило. Благодарение на пресметувањето рути со ажурирани онлајн мапи и информации за сообраќајот во реално време, уште побрзо ќе пристигнете на вашата дестинација. Со безжичен Apple CarPlay, за време на вашето патување може да користите различни апликации. Со помош на апликацијата Porsche Connect, може да ги синхронизирате дестинациите во календарот и да користите стриминг услуги како што е Amazon Music.

ParkAssist со активна поддршка при паркирање

Опционалниот нов ParkAssist систем е совршен сопатник во урбаната џунгла. Тој бара и препознава соодветни паркинг места и по притиснување копче го презема управувањето. За забележливо поголема удобност при паркирање возејќи наназад во паралелни и попречни паркинг места.

BOSE® Surround музички систем

BOSE® Surround музичкиот систем со 14 звучници заедно со сабвуфер и централен звучник, 14 канали за засилување и вкупна моќност од 665 вати создава импресивно акустично доживување – благодарение на SoundTrue Enhancement технологијата.