Taycan
Taycan
Душата има многу аспекти. Варијабилна е и постојано се менува. Кога го гледате Porsche Taycan, ви се открива со насмевка која изразува целосно задоволство. Или со потребата за слобода на тркалата на новиот Taycan Cross Turismo кој не се повлекува, дури и од секојдневниот живот.
Форми на конструкцијата на возилото
Спортски салон
Taycan е бескомпромисен и совршен за секојдневието. Впечатливи пропорции, безвременски дизајн кој веднаш се препознава. Со просторен ентериер и два багажни простори, овозможува комфор и удобност за четири лица.
Cross Turismo
Taycan Cross Turismo го прифаќа вашиот животен стил, со зголемен заден багажен простор и уште повеќе просторен ентериер. Неговата бестрашна способност е дополнително истакната со карактеристичните акценти на Off-road Design пакетот.
Sport Turismo
Безвременски дизајн и великодушен простор. Ненадминат перформанс и секојдневна разновидност. Привлечна динамика и исклучителен комфор.
Истакнуваме
Досег
За Taycan, дури и далечните дестинации се брзо достапни. Performance Battery Plus му овозможува на Taycan GTS со WLTP досег и до 504 километри. Ја намалува потребата да запрете и наполните, ви овозможува лесно да извозите поголеми растојанија.
800-волтна архитектура.
Душата на Porsche се залага за перформанси. Во секој поглед. Како што е прикажано со Taycan, дури и кога полните: неговата архитектура од 800 волти произведува јачина на полнење до 270kW. За пет минути, Taycan Turbo, на пример, може да се наполни за да овозможи досег до 100km (WLTP) во оптимални услови и е секогаш подготвен за она што возачот го сонува во текот на целиот ден: возењето.
Концепт на возење
Интеракцијата на погонските компоненти резултира со импресивни вредности за перформансите, и од технички и од емотивен аспект: кога со Launch Control ќе се активира моќност до 560kW (761 КС), двата мотора го забрзуваат Taycan Turbo S од место до 100km/h за 2,8 секунди. Тоа ви овозможува да искусите стартување какво што имаат суперспортските автомобили, каков што е 918 Spyder - што може повеќепати да се повторува: можно е последователно забрзување, до брзина од 260km/h.
Новите GTS модели
Влезете, врзете се и пулсот нека почне да ви дивее: новите Taycan GTS и Taycan GTS Sport Turismo го отелотворуваат чистиот Porsche E-Performance. Моќноста од 440kW (598КС) со Launch Control, погонскиот систем специфичен за GTS за зголемена агилност и дистинктивниот Porsche Electric Sport звук типичен за GTS, секое возење го претвораат во доживување. Уникатниот GTS ентериер го дополнува доживувањето при возењето, со опционални декоративни шевови во Carmine црвена или Crayon боја.
Porsche мапа за полнење
Бидете полни со енергија, каде и да сте. Porsche мапата за полнење овозможува преглед на сите станици за полнење - близу до вашиот дом и кога патувате. Едноставно изберете ја саканата локација - и ќе ви покажеме каде може удобно да го наполните вашето возило по пат и на вашата дестинација.
Charge Map
Истакнуваме
Планер за полнење
Ефикасен, особено кога станува збор за полнењето. Тргате на подолго патување? Планерот за полнење за вас ја пресметува оптималната рута, земајќи го предвид вашиот моментален статус на полнење и потребното време на полнење. Тоа ви овозможува секогаш да ја одберете најбрзата рута бидејќи се бираат најпрактичните станици за полнење за да ви се овозможи беспрекорно и ефикасно патување.
16,8-инчен заоблен дисплеј
Распоредот исто така е фокусиран кон возачот, што е типично за Porsche: инструментната табла е во центарот на вниманието, а се состои од 16,8-инчен заоблен дисплеј и е обиколена со контролни панели со директна контрола преку допир за бирање функции за светло и за шасијата.
Porsche електричен спортски звук
И акустично, тој овозможува сосема ново доживување: практично не создава звук – се што можете да чуете е надворешниот звук што ги исполнува законските барања. Како уникатен акустичен додаток за динамично возење, тука е и опционалниот Porsche електричен спортски звук – систем чијшто иновативен карактер го прави звукот на погонот на самото возило уште поемотивен, и надвор и внатре. Идеален фидбек за вашето десно стапало.
Porsche InnoDrive со адаптивен темпомат.
Како дел од Porsche InnoDrive со автоматска контрола на растојанието, системот го зголемува обемот на предвидување на до 3km. Тој комбинира информации од радарот и видео системите со навигациските податоци и тоа го користи за да ги утврди ограничувањата на брзината и топографските карактеристики на патот уште пред да стигнете до нив. Со тоа, стратегијата за брзина и менување степени може да се измени за да одговара на избраниот возен режим.
Профили на социјалните мрежи