911 GT3 մոդելներ
Carpe diem, ինչպես ասում են, որսա՛ պահը։ Բայց մենք Porsche-ն ենք։ Ահա թե ինչու 911 GT3 նոր մոդելների մեր կարգախոսն է. carpe secundum՝ ստացեք առավելագույնը յուրաքանչյուր վայրկյանից: Մենք գիտենք, որ Ձեր ժամանակը թանկ է: Յուրաքանչյուր րոպեն թանկ է նաև ավտոմեքենայի ղեկին։ Այսպիսով, մենք հերթական անգամ ուժեղացրել ենք ամենը, ինչ ունի սպորտային ավտոմեքենան՝ կատարողականություն, թյունինգ, աերոդինամիկա: Ժամանակը թռչում է: Սա Ձեր ժամանակն է: Ներս ցատկե՛ք:
Ավտոմեքենայի թափքի տեսակներ
911 GT3
Ընթացքի ժամանակ մեքենան ճանապարհին սեղմող հզոր աերոդինամիկ ուժը ստեղծվում է վերին մասին ամրացված նոր հակաթևի միջոցով, որը նախկինում օգտագործվել է 911 RSR-ում: Այն կանգուն է ավտոմեքենայի թափքին ներկառուցված երկու ալյումինե հենարանների վրա։ Այսպես կոչված «կարապի պարանոց» միացումը հակաթևի հիմքի շուրջը ապահովում է մաքուր հոսք, ինչը հանգեցնում է ընթացքի ժամանակ մեքենան ճանապարհին սեղմող աերոդինամիկ ուժի զգալիորեն ավելի պակաս կորստի:
911 GT3՝ Touring փաթեթով
Touring փաթեթով 911 GT3-ը նույնպես արդյունավետության տոն է թելադրում, սակայն առաջին հերթին՝ կենտրոնանալով ճանապարհի վրա: Լավ մտածված աերոդինամիկայի շնորհիվ շրջադարձերը տպավորիչ են լինում՝ նույնիսկ առանց հետևի մեծ հակաթևի:
Կատարողականություն
Իսկ որտե՞ղ եք տեսնում Ձեզ 3,4 վայրկյան հետո:
Ժամանակը թանկ է: Իսկ 911 GT3-ում յուրաքանչյուր վայրկյանը կրկնակի է հաշվվում: Դա նշանակություն ունի Ձեզ համար: Որովհետև ղեկի մոտ անցկացրած յուրաքանչյուր վայրկյանը առաջ է մղում Ձեզ՝ դեպի մրցարշավային կատարյալ փորձ: Դա նշանակություն ունի մեզ համար: Որովհետև մեր կողմից արագացված յուրաքանչյուր վայրկյանը մեզ տանում է ավելի առաջ՝ դեպի կատարյալ սպորտային ավտոմեքենա:
Ինտերիեր
Սպորտային սահմաններում միշտ պետք է շիտակ լինել: Հատկապես մրցարշավի ուղու վրա, բայց նաև՝ էրգոնոմիկայի առումով ավտոմեքենայի ղեկին: Այս իմաստով 911 GT3 նոր մոդելների ինտերիերն առաջատարն է: Այն արտացոլում է 911-ի դասական արժանիքները, բայց և ընդլայնում է դրանք՝ հասցնելով նոր տեխնոլոգիական հնարավորությունների: Սկզբունքը՝ անալոգային հմայքը հանդիպում է թվային ինտեգրմանը:
Porsche 911 GT3 Cup
Երազանքին առավել մոտ: Ավելի արագ՝ դեպի նպատակակետ: Նոր Porsche 911 GT3 Cup։ Ավտոսպորտում թանկ է ամեն վայրկյանը, հատկապես՝ երբ այն ծախսվում է երազանքին հասնելու ճանապարհին: Նոր 911 GT3-ը կատարյալ է նրանց համար, ովքեր երազում են մրցուղում ակնկալվող ադրենալինի մասին և նույնիսկ ստիպված չեն փոխելու իրենց սպորտային ավտոմեքենան՝ տուն գնալու համար: Բոլոր նրանց համար, ովքեր ցանկանում են կատարել ևս մի վճռորոշ քայլ, մենք մշակել ենք նոր Porsche 911 GT3 Cup-ը:
Առանձնահատկություններ
4.0 լիտրանոց, պտույտների բարձր միջակայք ապահովող վեց մխոցանի մթնոլորտային շարժիչ
Մթնոլորտային շարժիչ, էլ ի՞նչ։ Չորս լիտր ընդհանուր աշխատանքային ծավալով և վեց մխոցով: Հորիզոնական օպոզիտ տեղակայմամբ։ Գտնվում է հետևի մասում։ Ինչպես և սպասելի էր 911-ից: 6 առանձին դրոսելային սահափականներն ապահովում են շարժիչի առավել ուղղակի արձագանքը, որն ավելի հեշտ վերահսկելի է: Պտույտների բարձր միջակայքի ապահովման կոնցեպտով․ հաղթահարել է 9000 պտ/ր շեմը։ Եվ առավելագույն ոլորող մոմենտով՝ 470 Նմ, որն իր նախորդի համեմատ ավելացել է ևս 10 Նմ-ով։ Այս ամենը զտարյուն մռնչյունով, որը Ձեզ քամու պես կսլացնի բոլոր ուղղություններով:
Ընթացքի ժամանակ մեքենան ճանապարհին սեղմող աերոդինամիկ ուժ
Աերոդինամիկայի բարելավման համար ձեռնարկված բոլոր միջոցները դիտարկելու պարագայում նկատելի է, որ ֆիքսված հետևի հակաթևով նոր 911 GT3-ը զարգացնում է մոտ 60%-ով ավելի մեքենան ճանապարհին սեղմող աերոդինամիկ ուժ, քան իր նախորդը: Performance դիրքում, ինչը չի խրախուսվում օգտագործել սովորական ճանապարհների վրա, այն ապահովում է կրկնակի ավել սեղմող աերոդինամիկ ուժ մրցարշավային ուղու վրա կիրառելով:
Բայց հաշվարկները սկսելուց առաջ գնացեք մրցուղի, որտեղ կարող եք անմիջականորեն զգալ կատարողականությունը:
6-աստիճան GT սպորտային մեխանիկական փոխանցման տուփ
Հասանելի է որպես ընտրանք 911 GT3-ի համար և ստանդարտ է Touring փաթեթով 911 GT3-ի համար: Արդյունավետություն ապահովող վեց փոխանցումներ. չափազանց կարճ փոխարկման ընթացք և բացառապես ճշգրիտ, կարճ փոխանցումների փոխարկում: Ուշադրության կենտրոնում ոչ թե վայրկյանի ամեն տասներորդ մասն է, այլ վարումից ստացած անվերապահ հաճույքն ու մաքուր հույզերը։ Մեխանիկական փոխանցման տուփը նաև թույլ է տալիս խնայել ևս 17 կգ քաշ:
Porsche-ի կերամիկական կոմպոզիտային արգելակներ (PCCB)
Թեթև կոնստրուկցիայի և ավտոսպորտի համար նախատեսված օպցիոնալ PCCB-ները մոտավորապես 50%-ով ավելի թեթև են նույնանման չուգունե սկավառակներից։ Կորաձև շաղափված կերամիկական արգելակներն ունեն մեծ տրամագիծ՝ 410 մմ առջևում և 390 մմ հետևի մասում։ Առջևի սռնիի վրայի վեց մխոցանի ալյումինե միաբլոկ ֆիքսված արգելակային հենակները և հետևի սռնիի վրայի չորս մխոցանիներն ապահովում են արգելակման ուժերի չափազանց բարձր լարում։ Բացի այդ, բարձր արագությամբ արգելակման դեպքում անվտանգությունը մեծանում է PCCB-ի բարձր դիմացկունության հաշվին:
Porsche-ն սոցիալական հարթակներում