Մարզիկները գիտեն, որ լավագույն արդյունքների հասնելու համար անհրաժեշտ է ավելին, քան կատարյալ պայմաններն ու հաջողությունը: Ավելի ուժեղ և արագ դառնալու համար պահանջվում են անդադար մարզումներ: Կասկածի տակ դնելով ամեն ինչ, հատկապես ինքներդ ձեզ, դաս քաղել բոլոր սխալներից: Քանի որ ամենամեծ մարտահրավերը՝ անգերազանցելի մնալն է: Հենց այս մոտեցմամբ է Porsche-ն շարունակում անցնել հնարավորի սահմանները: Բացահայտե՛ք նոր 911 GT3 RS-ը իր լավագույն տեսքով՝ մրցարշավային ուղու վրա կատարողականության բարելավված բնութագրերով:
Նոր 911 GT3 RS–ը միտված է կատարողականությանը՝ շնորհիվ ավելացված սեղմող աերոդինամիկ ուժի և վերանայված աերոդինամիկայի: DRS-ով Porsche Active Aerodynamics (PAA) համակարգը, օգտագործելով ավտոմեքենայի բոլոր տվյալները, ներառյալ երկայնական և կողային արագացումը, աքսելերատորի և արգելակման ոտնակի դիրքն ու շփման ուժի արժեքները, վայրկյանների ընթացքում ավտոմատ կերպով կարգավորում է հետևի թևի և առջևի դիֆուզորի դիրքը՝ համապատասխանեցնելով վարման իրավիճակին: Լավագույն նախադրյալներ՝ հաջորդ սրընթաց վազանցի համար:
Թեթևացած կոնստրուկցիա ստանալու գլխավոր կանոնը՝ առավելագույնս նվազեցնել: Նոր 911 GT3 RS-ը հավատարիմ է մնում ավտոսպորտի այս փիլիսոփայությանը՝ չնայած իր նախորդների համեմատ զգալիորեն ընդլայնված և բարելավված սարքավորումներին՝ ներառյալ ակտիվ աերոդինամիկան, ավելի լայն անվահեցերն ու անվադողերը, ավելի լայն թափքը և վարման տարբեր ռեժիմներում հենասարքի կարգավորման ավելի մեծ հնարավորությունները: Ածխածնային մանրաթելերով ամրացված պլաստիկի (CFRP) օգտագործումը ապահովում է ավտոմեքենայի՝ ընդամենը 1,450 կգ չբեռնված քաշ:
Մեկնարկային լույսի կանաչելուն պես նոր 911 GT3 RS-ն մրցուղու վրա ի ցույց է դնում անհավանական կատարողականություն ՝ ոլորող մոմենտը զարգացնելով մինչև 470 Նմ: 386 կՎտ (525 ձիաուժ) հզորությունն ավտոմեքենայի արագությունը 0-100 կմ/ժ-ի է հասցնում ընդամենը 3.2 վայրկյանում՝ թույլ չտալով Ձեզ անգամ շունչ քաշել մինչև 296 կմ/ժ առավելագույն արագության հասնելը: Թեթևացված, սպորտային, չժանգոտվող պողպատից արտանետման համակարգն ապահովում է մաքուր ձայն առավելագույնը մինչև 9,000 պտ/ր։
Հաղթանակի կամ պարտության գրավականը ճիշտ մտածելակերպն է: Սպորտային ղեկանիվը՝ ներկառուցված չորս ռեժիմների փոխարկիչներով, առաջարկում է կարգավորումների ավելի մեծ ընտրանի, քան երբևէ. DRIVE MODE և Porsche Active Suspension Management (PASM), Porsche Torque Vectoring Plus (PTV Plus) և Traction Control (TC): Վարորդի և ավտոմեքենայի միջև առավել ինտերակտիվ կապ ապահովելու համար: