911 Turbo մոդելներ
Մեր ինժեներները սիրում են խոսել ամենակատարյալ սպորտային ավտոմեքենայի մասին: Անհավանական կատարողականություն, հարմարավետություն և լիարժեք համապատասխանություն ամենօրյա օգտագործմանը: 911 Turbo մոդելները շարունակում են այս փիլիսոփայությունը:
Առկա 911 մոդելներ
Առկա մոդելներ
Ավտոմեքենայի թափքի տեսակներ
911 Turbo S
911 մոդելի կուպե տարբերակը մարմնավորում է Porsche-ի ԴՆԹ-ն իր մաքրամաքուր տեսքով՝ երկար, հարթ շարժիչի ծածկոց, կտրուկ թեքված դիմապակի: Իսկ դեպի հետնամասը սահուն թեքվող տանիքի գիծն արդեն իսկ բնորոշ է ինքնատիպ 911-ին։
911 Turbo S Cabriolet
911 Turbo Cabriolet մոդելները միավորում են 911 Turbo-ի դասական ուրվապատկերը՝ բաց տանիքի պարագայում տուրբոշարժիչի անսխալ ճանաչվող ձայնն էլ ավելի ինտենսիվ վայելելու հնարավորության հետ: Այս մոդելները համալրված են ամբողջովին ավտոմատ կտորե տանիքով։ Ունեն ֆիքսված հետևի ապակի և երեք ներկառուցված՝ մագնեզիումից պատրաստված տարրեր, որոնք տանիքը դարձնում են շատ ամուր, և, միաժամանակ, առանձնահատուկ կերպով թեթև: Մինչև 50 կմ/ժ արագությունը տանիքը բացվում կամ փակվում է մոտ 12 վայրկյանում, այն ունի մեխանիզմի հեռակառավարման հնարավորություն։
Ընտրեք 911 Turbo մոդելները
Տեսադարան
Կատարողականություն
911 Turbo մոդելներում համատեղված են անհավատալի կատարողականությունն ու տպավորիչ դինամիկան: Չնայած այն հանգամանքին, որ շարժիչի բազային դասավորությունը չի փոխվել, յուրաքանչյուր մանրուք օպտիմալացվել է, հղկվել և կատարելագործվել:
Ինտերիեր
Անալոգային ճշգրտությունը զուգորդված է թվային ինտեգրման հետ: 911 Turbo-ի ինտերիերում համատեղված են հին արժեքներն ու նոր հնարավորությունները: Եվ որպես սպորտային ավտոմեքենայի սրահ, այն նախագծված է նախ և առաջ վարորդի համար:
Հարմարավետություն
Զորեղ մարզիկ: Դիզայնի տիպար: Ամենօրյա հերոս: 911 Turbo մոդելում սպորտային ավտոմեքենայի հզորությունը զուգակցված է սրահի հարմարավետության և նորագույն տեխնոլոգիաների հետ՝ հեշտացնելու Ձեր առօրյա կյանքը:
Առանձնահատկություններ
Porsche-ի կերամիկական կոմպոզիտային արգելակներ (PCCB)
Կորաձև շաղափված PCCB կերամիկական արգելակային սկավառակներն ունեն 420 մմ տրամագիծ առջևում և 390 մմ հետևում՝ արգելակման էլ ավելի մեծ արդյունավետության համար: Դրանք մոտ 50%-ով ավելի թեթև են, քան նմանատիպ դիզայնով և նույն չափն ունեցող չուգունե արգելակային սկավառակները: Արդյունքը՝ չզսպանակավորված զանգվածի նվազեցում, հետևաբար՝ ավելի լավ շփում ճանապարհի հետ և բարձրացված հարմարավետություն՝ հատկապես անհարթ ճանապարհներին, ինչպես նաև մեծ մանևրայնություն և կառավարման հետագա բարելավում:
Porsche-ի ակտիվ աերոդինամիկա
Դուք չեք կարող խույս տալ քամուց: Բայց կարող եք ուղղորդել այն: Աերոդինամիկ համակարգը, որը նախորդ սերնդի համեմատ կատարելագործվել է, 911 Turbo մոդելները դարձնում է աերոդինամիկորեն առավել ճկուն ցանկացած իրավիճակում: PAA-ն ապահովում է օպտիմալ արդյունավետություն, ինչպես նաև նվազեցնում է վառելիքի ծախսը և CO₂ արտանետումները:
Porsche Connect
Porsche Connect- ը Ձեզ կապում է Ձեր Porsche-ին, իսկ Ձեր Porsche-ն՝ աշխարհին: Համակարգը լրացնում է Ձեր 911 Turbo-ի գոյություն ունեցող թվային ֆունկցիաները: Գտեք Ձեր նշանակման վայրը հասնելու նավիգացիայի լավագույն միջոցը, սինխրոնացրեք անձնական կոնտակտներն ու հասցեները և ստացեք հնարավորություն մուտք գործելու Ձեր օրացույցը անմիջապես PCM-ում: Porsche Connect-ն առօրյա կյանքում Ձեր խելացի երկրորդ պիլոտն է, որն ապահովում է բացառիկ տպավորություններ սպորտային ավտոմեքենայից՝ ճամփորդությունից առաջ, դրա ընթացքում և դրանից հետո:
Burmester® բարձրորակ ծավալային հնչողության ակուստիկ համակարգ
Աշխարհում պրեմիում դասի ձայնային սարքավորումների ամենաերևելի արտադրողներից մեկի՝ Burmester®-ի հետ միասին մենք ստեղծել ենք ընտրանքային Burmester® High-End Surround Sound աուդիո համակարգը: Արդյունքը. ձայնի՝ ամենաբարձր մակարդակի բնութագրեր, որոնք անհատապես ընտրված են Ձեր 911 Turbo-ի համար՝ բազմաթիվ չափումների և աուդիո սեսիաների օգնությամբ:
Վառելիքի ծախս և արտանետումներ
Այլ 911 մոդելներ
Porsche-ն սոցիալական հարթակներում