Panamera
Panamera-ի հարցում մենք հետևողականորեն գնացել ենք մեր ճանապարհով՝ միշտ հավատարիմ մնալով մեր արմատներին և, այդպիսով, ներդրել ենք Porsche-ի տիպիկ ԴՆԹ-ն շքեղ սեդանների սեգմենտում։ Panamera-ի հարցում մենք այսօր էլ նույնպիսի հետևողականությամբ շարժվում ենք նույն ուղիով։
Ավտոմեքենայի թափքի տեսակներ
Panamera
Panamera, Panamera Executive, թե Panamera Sport Turismo՝ յուրաքանչյուրն ուրվապատկերով ու համամասնություններով ճշգրիտ կերպով Porsche է հիշեցնում. ատլետիկ, շրջահոսելի, հստակ ուրվագծերով և հզոր մկաններով։
Երկար անվաբազան, ավելի կարճ առջևի ցվիքը և ավելի երկար հետևի ցվիքն արդեն իսկ վիզուալ դինամիզմ են հաղորդում։ Կողային պրոֆիլի ակնառու կերտվածքը ստեղծում է Porsche-ին բնորոշ իրանի գիծ և թեթևության զգացողություն:
Panamera Executive
Panamera Executive մոդելներում զուգակցվում են սպորտային վարումը և հետնամասում հարմարավետ աշխատելու հնարավորությունը: Թափքը երկարացվել է 15 սմ-ով, ինչը հատկապես շահավետ է հետևի ուղևորների համար։
Կողային հատվածների շեմատակի եզրային արծաթագույն վահանակները Executive մոդելների վիզուալ առանձնահատկությունն են: Կողային (առջևի անվածածկոցների վրա) օդառիչները ծածկված են արծաթագույն դեկորատիվ վրադիրներով (փայլուն):
Panamera Sport Turismo
Այն փաստը, որ չորս հոգի կարող են սպորտային, բայց հարմարավետ ուղևորություն վայելել Panamera-ով, արդեն հնացած նորություն է լյուքս դասի ավտոմեքենաների սեգմենտում: 4+1 նստատեղերի ստանդարտ կոնցեպտով Sport Turismo-ում հինգերորդ անձը կարող է հաճույք ստանալ Panamera-ում ճանապարհորդելուց: Թեև այն մեկ լրիվ չափով նստատեղ չէ՝ հավելյալ տարածքը հարմար լուծում է ապահովում կարճ և միջին հեռավորությամբ ուղևորությունների ժամանակ լրացուցիչ ուղևոր տեղափոխելու համար:
Մոդելներ
4
Porsche մոդելների նկարագրության մեջ «4»-ը լիաքարշակ մոդելների չորս շարժիչ անիվներն են:
S
Porsche-ում «S»-ը միշտ նշանակել է «սպորտ» և բարձր արդյունավետություն:
GTS
Panamera-ի վրա պատկերված է «GTS». երեք տառ, որոնք ցույց են տալիս աներևակայելի սպորտային բնութագրերի հետ համակցված առավել բարձր արդյունավետությունը:
E-Hybrid
Ներքին այրման շարժիչը աճող արագությամբ հզորություն և ոլորող մոմենտ է կուտակում։ Էլեկտրական շարժիչի առավելագույն ոլորող մոմենտը անմիջապես հասանելի է:
Turbo
Turbo մոդելները տարբերվում են աներևակայելի արդյունավետությամբ՝ զուգորդված հրապուրիչ վարման սլացիկ ընթացքով։
Ընտրեք Panamera մոդելները
Կատարողականություն
Անկախ այն բանից՝ Դուք եք վարում ավտոմեքենան, թե առջևում կամ հետևում նստած եք ուղևորի նստատեղին, Porsche-ով իրականացվող յուրաքանչյուր ուղևորություն պետք է ընկալեք որպես սպորտ, այլ ոչ թե փոխադրում․ կոնֆորտով, և ոչ թե հանգստավետության գրկում։
Ինտերիեր
Տիպիկ է Porsche-ի համար. կատարելագործված սպորտային ավտոմեքենայի նրբաճաշակ էրգոնոմիկա՝ բարձրացող կենտրոնական վահանակով, հարթ կառավարման վահանակով և վահանակի կենտրոնում անալոգային արագաչափ գործիքով: Նոր սերնդի ղեկը, որը զուգորդվում է Porsche Advanced Cockpit կառավարման կոնցեպտի հետ, ապահովում է առավել կարևոր ֆունկցիաների արագ հասանելիությունը:
Հարմարավետություն
Վարորդի նստատեղում ամեն ինչ արված է՝ ուշադրության կենտրոնում ունենալով Ձեզ և Ձեր հաջորդ նշանակման վայրը, և թե ինչպես կարող եք առավելագույնս սպորտային ձևով հասնել այնտեղ: Մինչդեռ թիկունքի հատվածում թուլացնող հանգստություն է տիրում ընտանիքի, ընկերների կամ գործընկերների համար ստեղծված լայն տարածքի շնորհիվ: Իսկ ետևո՞ւմ․ լայն բացվող հետևի դռան տակ ընդարձակ բեռնախցիկ է: Հետևի նստատեղերի ծալվող թիկնակները թույլ են տալիս տեղափոխել նաև ավելի խոշոր իրեր: Սա գուցեև բնորոշ չէ սպորտային ավտոմեքենային, սակայն տիպիկ է Panamera-ի համար
Առանձնահատկություններ
Porsche InnoDrive
Porsche InnoDrive-ը համակարգը հավելյալ նորարարական ֆունկցիաներով լրացնում է ադապտիվ կրուիզ կոնտրոլը: Ռադարներից և վիդեոտվիչներից ստացվող՝ բարձր լուծաչափի նավիգացիոն տվյալների և տեղեկատվության օգնությամբ Porsche InnoDrive-ը Ձեր երթուղու վրա հայտնաբերում է արագության սահմանափակումները և ճանապարհների տեղագրական առանձնահատկությունները (ինչպիսիք են՝ ոլորանների թեքությունները կամ շառավիղները) նախքան դրանց հասնելը և փոխում փոխանցումների փոխարկման ռազմավարությունը, և, համապատասխանաբար՝ Panamera-ի արագությունը:
Պրոյեկցիոն էկրան
Ավտոմեքենայի մասին ամբողջ կարևոր տեղեկությունը պրոյեկցիոն էկրանը ցուցադրում է հենց Ձեր տեսադաշտում, իսկ երթևեկության գծի փոփոխման օգնական համակարգը Ձեզ զգուշացնում է Ձեր ճանապարհի անտեսանելի գոտում գտնվող օբյեկտների մասին: Ճանապարհային նշանների ճանաչումը ներառող Lane Keeping Assist համակարգը մտնում է Panamera-ի հիմնական լրակազմի մեջ և աջակցում է Ձեզ երկար ճանապարհորդությունների ժամանակ:
Porsche Connect
Porsche Connect-ը Ձեզ կապում է Ձեր Porsche-ին, իսկ Ձեր Porsche-ն՝ աշխարհին: Այն լրացնում է Panamera-ի Ձեր մոդելի՝ առկա թվային ֆունկցիաները: Գտեք Ձեր նշանակման վայրերը հասնելու նավիգացիայի լավագույն միջոցը, սինխրոնացրեք անձնական կոնտակտներն ու հասցեները և ստացեք Ձեր օրացույց մուտք գործելու հնարավորությունը անմիջապես PCM-ում: Porsche Connect-ն առօրյա կյանքում Ձեր խելացի երկրորդ պիլոտն է, որն ապահովում է բացառիկ տպավորություններ սպորտային ավտոմեքենայից՝ ճամփորդությունից առաջ, դրա ընթացքում և դրանից հետո:
Burmester® բարձրորակ ծավալային հնչողության ակուստիկ համակարգ
Լռություն, խնդրեմ: Ձեզ ենք ներկայացնում 1455 Վտ ընդհանուր հզորություն: 21 անհատապես կառավարվող բարձրախոս, ներառյալ՝ 400 Վտ հզորությամբ D դասի թվային ակտիվ սաբվուֆեր, երկկողմանի կենտրոնական համակարգ և դիաֆրագմայի մակերևույթի ավելի քան 2500 սմ² ընդհանուր մակերես: Հատուկ Air Motion ժապավենային թվիթներն ապահովում են անսխալ, ճշգրիտ, մաքուր և բարձր հաճախականությունների չաղավաղված վերարտադրում՝ մակարդակի գերազանց կայունությամբ:
Porsche-ն սոցիալական հարթակներում