Լեգենդը վերադառնում է՝ ավելի հզոր և թվայնացված։ 2023-ին Auto Shanghai ցուցահանդեսում Porsche-ը ներկայացրեց նոր Cayenne-ը։ Սա Porsche-ի պատմության ամենաընդգրկուն արդիականացումն է։ Ինժեներները վերանայել են ամեն ինչ՝ սրահի էրգոնոմիկայից մինչև շասսիի կառուցվածքը։

 

Այս շքեղ ամենագնացը նրանց համար է, ովքեր չեն ենթարկվում սահմանափակումների և ձգտում են իրական սպորտային կատարելության։ Իսկ ինչի՞ց է ձևավորվում այս կատարելությունը։

 

Porsche Driver Experience. թվայնացված և վարորդակենտրոն

 

Նոր Porsche Cayenne-ի սրահը վերածվել է բարձրտեխնոլոգիական միջավայրի, որտեղ ամեն ինչ ծառայում է վարորդին:

 

Porsche Driver Experience նոր հայեցակարգը, որն առաջին անգամ կիրառվել է Porsche Taycan մոդելում, այժմ տեղափոխվել է լյուքս դասի ամենագնացների դաս: Այն ապահովում է թվային և անալոգային տարրերի կատարյալ հավասարակշռություն:

 

Կառավարման կարևորագույն տարրերը խմբավորված են անմիջապես ղեկի շուրջ, ինչը թույլ է տալիս կատարել գրեթե բոլոր գործողություններն՝ առանց ձեռքերը ղեկից հեռացնելու։

 

Ինտերիերի առանցքային նորույթը 12,6-դյույմանոց կոր էկրանն է: Սրան լրացնում է ուղևորի համար նախատեսված 10,9-դյույմանոց օպցիոնալ էկրանը, որը թույլ է տալիս կառավարել նավիգացիան կամ վայելել մեդիա բովանդակություն՝ առանց վարորդին շեղելու:

 

Նրբաճաշակ էքստերիեր և HD Matrix LED լուսարձակներ

 

Նոր Cayenne-ն այժմ ունի ավելի սպորտային և արտահայտիչ տեսք: Դիզայներները վերափոխել են քրոսսովերի առջևի հատվածը՝ ընդգծելով դրա լայնությունն ու հզորությունը կոր թևերի և շարժիչի թարմացված ծածկի միջոցով:

 

Սակայն մոդելի իրական տեխնոլոգիական հեղափոխությունը նոր HD Matrix LED լուսարձակներն են: Յուրաքանչյուր լուսարձակ օժտված է ավելի քան 32,000 անհատական վերահսկվող պիքսելով: Սա նշանակում է, որ լույսը ոչ թե ուղղակի վառվում է, այլ խելացի կերպով հարմարվում է ճանապարհին՝ լուսավորելով ամեն մի դետալ և միաժամանակ «շրջանցելով» հանդիպակաց վարորդներին, որպեսզի չխանգարի նրանց՝ ճանապարհը տեսնելու:

 

Անհատականացման սիրահարների համար հասանելի են նաև անիվների 20-22 դյույմանոց նոր տարբերակներ և թափքի էքսկլուզիվ երանգներ:

 

Հզորացված շարժիչներ և նոր E-Hybrid մոդել

 

Ավելի շատ հզորություն, ավելի քիչ սահմանափակումներ: Porsche-ն կատարելագործել է Cayenne-ի շարժիչները՝ դրանք դարձնելով թե՛ ավելի արագընթաց, թե՛ արդյունավետ։

 

Յուրաքանչյուր վարորդ կարող է գտնել իրեն համապատասխան տարբերակը Porsche Cayenne մոդելների կոնֆիգուրատոր-ի միջոցով, որտեղ հասանելի են հետևյալ մոդելները՝

 

• Cayenne S. նախկին V6-ին փոխարինելու է եկել Porsche-ի մշակած 4.0-լիտրանոց V8 բի-տուրբո կատարելագործված շարժիչը: Մոդելն ընդամենը 4,7 վայրկյանում ապահովում է 0-100 կմ/ժ արագացում՝ զարգացնելով մինչև 273 կմ/ժ առավելագույն արագություն:
• Cayenne E-Hybrid. Մոդելային շարքի հիմքում ընկած V6 տուրբո շարժիչը համակցված է նոր էլեկտրական շարժիչի հետ: Գլխավոր նորությունը թարմացված մարտկոցն է, որի շնորհիվ հիբրիդ մեքենան մեկ լիցքավորմամբ անցնում է մինչև 90 կմ: Սա թույլ է տալիս ներքաղաքային ուղևորությունների մեծ մասը կատարել բացառապես էլեկտրականությամբ:
• Cayenne Turbo GT. Շարքի բացարձակ առաջատարը, որը հասանելի է բացառապես կուպե թափքով: Օժտված է մոդելային շարքի բոլոր տեխնիկական նորարարություններով և նախատեսված է նրանց համար, ովքեր ձգտում են առավելագույն արդյունավետության և դինամիկայի:

 

Գինը և վաճառքի մեկնարկը

 

Նոր Porsche Cayenne-ի վաճառքները Եվրոպայում մեկնարկել են 2023-ի հուլիսից: Գերմանիայում մոդելի մեկնարկային արժեքը սահմանվել է 89,097 եվրո, իսկ Cayenne S տարբերակինը՝ սկսած 107,542 եվրոյից:

 

Հայաստանում մոդելը ներկայացված է Porsche-ի պաշտոնական ներկայացուցիչ Porsche Centre Yerevan ավտոսրահում։ Հասանելի ենք ինչպես ամբողջովին նոր, այնպես էլ շահագործված և Porsche Approved հավաստագրում անցած մոդելներ: Սա նշանակում է, որ յուրաքանչյուր ավտոմեքենա անցնում է խիստ տեխնիկական ստուգում (111 կետով), և համապատասխանում է Porsche-ի որակի բարձրագույն չափանիշներին՝ հաստատված երաշխիքով:

 

Արդեն կողմնորոշվե՞լ եք Ձեր ամենագնաց մեքենայի ընտրության հարցում կամ ուզո՞ւմ եք ավելի շատ մանրամասներ ստանալ: Կապվեք մեզ հետ, և մեր մասնագետները կօգնեն ընտրել Ձեր նախասիրություններին համապատասխան լավագույն տարբերակը և ձևակերպել Ձեր պատվերը։